Foldrøydagen

Foldrøydagen har blitt ein årleg tradisjon i bygda. Den vart arrangert for fyrste gong i 2023.

På dagtid er det marknad, kjekke aktivitetar for store og små, god mat og godt selskap.

På kvelden inviterer me til Foldrøyfest med bla. quiz og livemusikk.

Følg "Foldrøydagen" på Facebook for å få opp arrangementene i åra som kjem.

Me gler oss til: Foldrøydagen 2025

Etter to år med braksuksess er det oss ei glede å planlegge for årets Foldrøydag. Me tek i mot tips, innspel og engasjement med stor takk!

Sett av datoen: 27.september 2025.

Foldrøydagen er eit samarbeidsprosjekt mellom Foldrøy aktivitetspark, Foldrøy grendautval og idrettslag, arrangementskomiteen i bygda, Foldrøy petanqueklubb, Foldrøy kvinne- og familielag, Butikken på Foldrøyno, Foldrøy speidarklubb og fleire engasjerte Foldrøybuar.

Tilbakeblikk: Foldrøydagen 2024

Foldrøydagen 2024 gjekk av stabelen 21. september. Dagen starta i tjukk tåke, men med fin temperatur og lite vind. Ut over dagen kom sola gjennom, og det var ein aldeles nydeleg dag på Foldrøy.

På programmet var det marknad med nytt, brukt og heimelaga, lokalhistorisk føredrag med Jan Willy Folgerø-Holm, olabil-løp, to hoppeslott, fotogalleri ved Helge Ingvaldsen, bileteframsyning av Toralv Brekke, orienteringsløp, luftgeværskyting, ansiktsmaling, lesestund for dei små, speidargrilling, thai-mat, kafe, Spissøy bakeri, lydlodd og loddbok, slushmaskin og mykje leik og morro.

På kvelden var det bygdefest på med livemusikk av Tommy Holme, dans og quiz.

Her finn du lenkje til filmopptak frå det lokalhistoriske føredraget frå Foldrøydagen 2024. Filma av Jan Leversund:

Jan Willy Folgerø-Holm foredrag 21.10.2024 i Grendakjellaren på Foldrøy skule om "Hermetikkfabrikkane på Foldrøy" https://www.youtube.com/watch?app=desktop&v=xxJWEz-BrsI

Tilbakeblikk: Foldrøydagen 2023

Foldrøydagen vart for fyrste gong arrangert i september 2023. Då hadde me marknad med nytt og brukt, kafè, lesestund for dei små, Petanque-opplæring og spel, hesteridning, hoppeslott, ansiktsmaling, luftgevær-konkurranse, lokalhistoriske føredrag og bygdafest med livemusikk på kvelden. Oppmøte var fantastisk!